Alle med eigne eller slektshistoriske minne om migrasjon frå eller til Naustdal er velkomne til forteljekveld i kaféen på Kalland, fredag 22. august kl. 18. Vi tar utgangspunkt i fotografiet over. Det er tatt i Tacoma, Washington i 1924, og viser ei samling av utvandra naustdølar og eikefjordingar. Så delar vi forteljingar om det vi veit eller har høyrt eller kanskje trur om dei vi ser på bildet - og av slikt som dukkar opp i minnet, om folk og hendingar, der eller her, som ikkje er på bildet. Samtaleleiarar blir Aud Slettehaug og Bjørn Enes frå Memoar, norsk organisasjon for munnleg historie. Det blir gjort opptak av samtalen, og opptaket vil bli del av den store Migrasjonsminnesamlinga som er under oppbygging gjennom Utvandringsjubileet i 2025.

Det blir råd å få kjøpt rømmegraut og andre smårettar i kaféen.